Faasla o sohbat

Tumnay kaha hamara mukhtalif hona qurbaton ka sabab tha
phir wahi baat aaj dooriyon ka sabab kyon banta jaa raha hai
Hum may ittefaq tha hamari bilashart ki sohbat ka
phir umeedon ka bojh humsafar par kyon daltaa ja raha hai
Jab faasleh ki ahmyat ka ehsaas tha tujhay
khudmukhtari say mahroom kyon woh hota jaa raha hai
Tere kisson ko khamoshi say sunanaa mere sabr ka mafhoom tha kabhi
ab wahi lehjah meri berukhi ka paigam bantaa jaa raha hai
Milansar, khush-sohbat, shadbash, hokar bhi
kyon yeh rishtah uske liye zindaan bantaa jaa raha hai
Khud-shubah kabhi. toh kabhi us say badguman
aur toh nahin koi masla jo darmyaan aata jaa raha hai
Be-shaq, har rishta is maqaam say guzartaa hai ‘Muasir’
be-ilm, har koi apna safar na-kaam gintaa jaa raha hai

No comments

You can be the first one to leave a comment.

Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>