Tishnagi

Beshumaar fasal-e-gul guzree magar
yeh meelon sa falak
tunay kahan mehfooz rakha
jis say main bhi wabastah nah tha
kal shab
bahut der ik jheel-e-aahistgi mein
main tairta raha
ik bekaraan si kirmich jis par main
unglion say tasaaweer banaata raha
bag-e-manzil saamnay tha magar
main naye pagdandiyon kay mazay loot-ta raha
sulagti hui tishna-e-bayabaan ko
pur-sukoon baadal gherte rahe
ahista ahista
aur
der talak paani barasta raha
ahista ahista

No comments

You can be the first one to leave a comment.

Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>