Woh hai

Yeh ho nahi sakta ki woh ho nahi sakta
der ho zaroor par na ho, yeh ho nahi sakta
Ummeed pay dunya qaayam hai
mera yaqeen toote, yeh ho nahi sakta
Tujhe markaz-e-zeest banakar jo saughat haasil hai
us sila-e-aibaadat ko yun hi gawaandoon, yeh ho nahi sakta
Har talaash manzil pahunchay yeh zaroori nahin magar
main talaash-o-justuju chod doon, yeh ho nahi sakta
Loon kisi aur ka naam aur tera naam niklay
yeh kaarnama nah hua ho aksar, yeh ho nahi sakta
Mukhtalif wajood magar jaan ek hi hai
‘Muasir’ ko qadar teri na rahi ho, yeh ho nahi sakta

No comments

You can be the first one to leave a comment.

Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>